ABANCA colabora con Nueva Rula de Avilés para impulsar o sector pesqueiro

  • O banco e a entidade que xestiona a lonxa avilesina firman un convenio que inclúe unha oferta financeira vantaxosa e adaptada ao sector da pesca
  • A entidade financeira apoia o sector pesqueiro a través da súa unidade de negocio específica ABANCA Mar

De esquerda a dereita, José María Jardón, director de zona Asturias de ABANCA; Ramón Álvarez, xerente de Nueva Rula de Avilés, e Marcos Lamas, director territorial de Asturias/León de ABANCA.

Descarga en alta resolución Serás redirixido a outro sitio web e abrirase nunha nova ventá

ABANCASerás redirixido a outro sitio web e http://www.ruladeaviles.es/Nueva Rula de AvilésSerás redirixido a outro sitio web, a entidade que xestiona a lonxa do porto avilesino, pecharon esta mañá un acordo de colaboración que inclúe unha oferta financeira vantaxosa e adaptada ao sector pesqueiro, e canalizada a través da unidade de negocio da entidade financeira especializada no mundo do mar, ABANCA MarSerás redirixido a outro sitio web.

O xerente de Nueva Rula, Ramón Álvarez Suárez, e o director territorial de ABANCA en Asturias/León, Marcos Lamas, foron os encargados de rubricar o acordo, co que a entidade financeira trata de dar resposta ás demandas recibidas desde o sector.

O convenio asinado permite aos clientes a Nueva Rula afrontar o impacto na comercialización de produtos pesqueiros que provocan os períodos de estacionalidade e a falta de capturas.

Os profesionais pertencentes a esta entidade avilesina tamén terán á súa disposición toda a oferta específica de ABANCA para o sector pesqueiro. Entre outros produtos, inclúe pólizas de crédito, préstamos persoais sen xuros ou sen comisións con amplos prazos de amortización para aprazar o pago de impostos, liñas de comercio exterior, leasing mobiliario, avais ou desconto comercial. Ademais, os clientes poderán xestionar os pagos aprazados aos seus provedores a través do servizo de confirming que a entidade pon á súa disposición en condicións especiais.

De igual maneira, este acordo financeiro inclúe condicións vantaxosas no acceso a liñas de financiamento oficial de ICO para empresas e emprendedores, así como o acceso ao programa sen comisións de ABANCA.

Nueva Rula de Avilés é a entidade encargada da xestión da instalación portuaria de primeira venda de produtos pesqueiros situada no Porto de Avilés. Desde o comezo, esta empresa funcionou como elemento integrador para todo o sector pesqueiro asturiano, favorecendo os procesos de comercialización cun modelo de xestión e un sistema de funcionamento diferentes aos que habitualmente existían, materializado principalmente no novo sistema de poxa.

ABANCA, pola súa banda, mantén un firme compromiso co sector pesqueiro, que canaliza a través dun marco estable de colaboración coas entidades máis representativas do mundo do mar. A entidade financeira conta cunha unidade de negocio especializada en toda a cadea de valor do mar, ABANCA Mar, unha división que conta con ofertas financeiras deseñadas ad hoc para atender as necesidades particulares deste colectivo, ademais dun equipo de profesionais cun amplo coñecemento e experiencia no sector pesqueiro.