ABANCA e ASAJA Castela e León reforzan o seu compromiso ante o desafío da escaseza de precipitacións

17-02-2022

ABANCA e a Asociación Agraria Jóvenes Agricultores (ASAJA) Castela e León reforzan un ano máis a súa alianza co obxectivo de dar un novo impulso ao sector agrario da comunidade e consolidar estratexias comúns para os retos e necesidades aos que se enfronta, como a xestión dos recursos hídricos fronte a la sequía.

O acordo foi asinado esta mañá en Valladolid por parte do coordinador de ABANCA Agro, Alfonso García Marcos, e o presidente de ASAJA Castela e León, Donaciano Dujo Caminero.

No texto recóllense unha serie de fórmulas de crédito deseñadas especificamente para os agricultores membros de ASAJA Castela e León e o compromiso de ambas partes coa sostibilidade. Este último punto reflíctese na oferta de produtos e servizos do banco, como préstamos persoais ou leasing mobiliario con prazos moi amplos, que permiten a renovación e modernización da maquinaria e de cultivos, pero tamén a implantación de sistemas de enerxías renovables. A sostibilidade sitúase no centro das accións de negocio do banco e materialízase a través do financiamento de activos fixos, novos ou de segunda man, tanxibles e intanxibles e que buscan mellorar a eficiencia enerxética e a xestión de recursos hídricos.

Así mesmo, a ampla oferta recolle propostas moi demandadas, como o anticipo colleita ou o préstamo campaña para facer fronte aos gastos habituais da próxima colleita. A elas súmanse outras, como a liña específica de financiamento de seguros agrarios que permite fraccionar o pago ata en 12 mensualidades. A renovación do acordo recolle tamén outros produtos especializados, como a póliza de crédito cun prazo de ata cinco anos, liñas de confirming, factoring, avais e liñas de desconto.

Campaña da PAC e anticipos para os agricultores novos

A firma do acordo coincide co inicio da campaña das axudas PAC e senta as bases para que ambas entidades participen na súa tramitación garantizando unha domiciliación áxil e na que os agricultores novos poidan ter acceso a alternativas de crédito adaptadas antes de dispoñer de ditos fondos. A través deste anticipo, os adheridos poderán optar ata ao 90% do importe da axuda de forma rápida. Ademais, para que a tramitación dos anticipos sexa máis áxil e sinxela, ABANCA activou préstamos preautorizados por un importe de ata 100.000 euros para os anticipos das axudas PAC, o financiamento de primas de seguros agrarios ou os gastos de campaña. Este ano cobra especial importancia a correcta tramitación das axudas, pois será a base para as solicitudes da próxima reforma da PAC 2023-2027.

O texto fai fincapé na relevancia do financiamento oficial, xa que ABANCA tramita con especial dilixencia as liñas do ICO e SAECA. Tamén se recolle o Instrumento Financiero de Gestión Centralizada (IFGC), que incorpora un aval de ata o 80% por parte da Administración en accións, como a compra de fincas que leven a cabo agricultores novos, financiamento de activos mobiliarios ou inmobiliarios, así como as necesidades de liquidez sen vincular a inversións. Así mesmo, grazas ao convenio, os membros de ASAJA Castela e León poderán aproveitar as vantaxes que lles ofrece o Programa Servizos ABANCA, que permite aforrar no pago dos servizos bancarios máis habituais.

Coa renovación desta colaboración, ABANCA avanza no seu plan de apoio aos principais sectores da economía produtiva de Castela e León. O sector primario da rexión é clave para a entidade financeira e pode verse reflectido na estreita colaboración que mantén con algúns dos axentes máis relevantes da comunidade autónoma.