ABANCA e Stonegal renovan o seu acordo e promoven a segunda edición da feira
- O banco reafirma o seu apoio a un sector estratéxico para Galicia e que permite á comunidade liderar a extracción e o procesamento deste recurso natural
- A celebración deste encontro pioneiro de pedra natural en España volverá ao IFEVI en Vigo do 17 ao 19 de xuño con máis de 150 empresas dunha ducia de países
No centro da imaxe, o director territorial de ABANCA en Vigo, Walter Álvarez, e o responsable de Stonegal, Alejandro Miras, xunto a outros representantes de ambas as entidades.
Descarga en alta resolución Serás redirixido a outro sitio web e abrirase nunha nova ventá
No momento da sinatura do convenio, o director territorial de ABANCA en Vigo, Walter Álvarez, e o responsable de Stonegal, Alejandro Miras.
Descarga en alta resolución Serás redirixido a outro sitio web e abrirase nunha nova ventá
ABANCA e Stonegal renovan a súa colaboración para impulsar a segunda edición da feira pioneira en España dedicada á pedra natural. O banco avanza no seu compromiso cun sector estratéxico para Galicia e apoia novamente o encontro que se celebrará do 17 ao 19 de xuño no Instituto Feiral de Vigo (IFEVI).
O director territorial de ABANCA en Vigo, Walter Álvarez, e o responsable de Stonegal, Alejandro Miras, foron os encargados de asinar o acordo de colaboración entre ambas as dúas entidades na sede do banco en Vigo. Con este acordo, o banco contribúe a que esta edición sexa unha realidade en só unhas semanas.
Tras o éxito da edición anterior, Stonegal busca consolidarse como un dos principais eventos empresariais do noroeste peninsular. Para conseguilo, pretende igualar ou superar as cifras acadadas hai exactamente un ano, cando reuniu a máis de 150 empresas dedicadas á extracción e procesamento deste recurso natural, procedentes de 12 países, e atraer a máis de 3.000 profesionais.
O acordo de colaboración con ABANCA non só contribuirá á celebración da feira, senón que tamén servirá para apoiar a organización dalgunhas actividades paralelas ao encontro especializado, como a Gala Stonegal ou a entrega dos Premios Stonegal. ABANCA terá unha forte presenza de imaxe e comercial.