ABANCA entrega a Cruz Roja Venezolana os primeiros fondos da súa conta solidaria
- O banco envía 235.000 euros a través de Cruz Roja España para apoiar a resposta humanitaria
Descarga en alta resolución Serás redirixido a outro sitio web e abrirase nunha nova ventá
ABANCA enviou hoxe a primeira transferencia da conta solidaria aberta na entidade ás poucas horas do dobre terremoto que sufriu Venezuela o 24 de xuño.
Os fondos recadados, 235.000 euros, entregáronse a Cruz Roja Venezolana a través de Cruz Roja España para atender as necesidades urxentes que atravesa a poboación venezolana. Os fondos destinaranse a atender as vítimas con alimentos, medicamentos e outros artigos de primeira necesidade, e para abastecer os hospitais de campaña instalados e os que se están instalando.
ABANCA está a coordinar este proceso de axuda a través da súa Dirección Xeral de RSC para garantir o mellor uso dos recursos recadados e a maior eficiencia e rapidez na xestión das axudas. A entidade está a seguir as recomendacións recibidas de ONGs, institucións públicas españolas, empresas de transportes e ONGs venezolanas nas que se recomenda o envío prioritario de fondos, e non de material físico como alimentos, roupa ou medicamentos, pola complicación loxística de poder entregalo en Venezuela coa rapidez e a seguridade necesarias.