ABANCA implanta en Castellón o seu novo modelo de oficina, máis especializada e tecnolóxica
- A oficina culmina unha reforma integral que lle permitiu adoptar os últimos avances despregados polo banco
- Prestará servizo a todos os perfís de clientes, ao incorporar nun mesmo espazo unha oficina para particulares e outra para empresas
- O centro situado na rúa Asensi recibe o novo modelo que ABANCA está a implantar na súa rede comercial
Algúns dos espazos da nova oficina de Castellón.
Algúns dos espazos da nova oficina de Castellón.
Algúns dos espazos da nova oficina de Castellón.
ABANCA estrea o novo aspecto da súa oficina de Castellón de la Plana e Oficina de Empresas de Castellón, os dous emprazados nun inmoble de dous andares e máis de 320 metros cadrados na rúa Asensi 10, tras completar nas últimas semanas unha transformación integral da súa fisionomía. O fin das obras deixa paso a un espazo que gaña en modernidade e ofrece maiores prestacións a clientes e empregados.
As instalacións desta oficina redeseñáronse seguindo o novo modelo de oficina que ABANCA está a implantar nos seus espazos máis emblemáticos. Unha concepción vangardista que esta oficina dual presenta na provincia, dirixida a mellorar a atención ao cliente e ofrecer as solucións tecnolóxicas máis innovadoras do mercado.
Emprazada nun espazo privilexiado da cidade e preto de enclaves estratéxicos e de servizos, esta remodelación destaca na súa aposta por potenciar a transparencia, xa que se eliminan os despachos. No seu lugar, a nova oficina conta con dúas salas de reunións adaptadas ás necesidades dos clientes. A vocación comercial está reflectida en seis espazos de atención para clientes nos que os empregados dan resposta en mobilidade con dispositivos Surface. Os xestores teñen tamén á súa disposición oito postos de xestión para as operacións non presenciais. Por último, a oficina conta cun posto de atención transaccional para a operativa de efectivo e as tarefas máis administrativas.
A especialización e a dixitalización, no centro da estratexia
Esta reforma vai permitir un salto cualitativo na especialización da súa oferta, na aposta pola atención personalizada e por dar respostas adaptadas a cada segmento. É por iso que a entidade financeira ofrece un servizo integral para os clientes particulares, grazas a xestores altamente preparados para atender as súas necesidades. De maneira adicional, a Oficina de Empresas de Castellón completa as capacidades de ABANCA na provincia con produtos e profesionais á altura do colectivo, as súas demandas e expectativas.
A transformación integral aproveitouse tamén para gañar en axilidade á hora de realizar as operacións máis habituais. As novas instalacións estrean un caixeiro de última xeración que permite, ademais de retiradas, realizar ingresos en firme, pagos de recibos en efectivo e outras operativas con moedas.
A estratexia de dixitalización do banco complétase nesta oficina habilitando outros espazos para que os clientes realicen dun xeito autónomo as súas operacións máis habituais. As instalacións incorporan unha rede WIFI gratuíta.
A entidade financeira mantén na Comunitat Valenciana catro oficinas en Castellón, Valencia e Alicante. Esta oferta complétase con tres espazos para empresas, un en cada unha das capitais de provincia.