ABANCA incorpórase a Qivalis para lanzar unha ‘stablecoin’ europea

ABANCA súmase ao proxecto de Qivalis para lanzar unha stablecoin europea. O banco incorpórase ao consorcio creado recentemente e formado xa por 37 entidades financeiras procedentes de 15 países da Unión Europea. Coa súa entrada, ABANCA busca contribuír á creación dunha ferramenta financeira independente e confiable, aberta a cidadáns e empresas, desenvolvida en clave europea e co apoio dalgúns dos axentes máis importantes do sistema bancario da zona euro.

Coa definición desta futura stablecoin europea búscase precisamente dar unha resposta aos consumidores que demandan unha moeda estable pero amparada polo euro, xa que a inmensa maioría do mercado toma como base o dólar estadounidense. Este recurso dixital operará baixo tecnoloxía blockchain e está a ser deseñado conforme o Regulamento de Mercados de Criptoactivos (MiCA) da Unión Europea. Unha vez obtida a aprobación regulatoria e completados os desenvolvementos técnicos, a estimación é emitir a nova moeda estable na segunda metade do ano.

ABANCA consolida a súa vocación de innovación e o seu compromiso coa vangarda financeira europea ao incorporarse a este proxecto. Permite ao banco tamén formar parte da definición dun proxecto que defende a soberanía financeira europea, que contribúe a reforzar a moeda única na contorna dixital e que está apoiado pola credibilidade de decenas de entidades líderes nos seus países e baixo unha estrita supervisión regulatoria. Todo iso nunha nova realidade marcada pola escalabilidade, interoperabilidade e valor engadido.

Con este paso, ABANCA reafirma a súa aposta pola innovación financeira e a construción dun futuro dixital apoiado pola credibilidade colectiva dos principais bancos europeos e preservando a autonomía monetaria do euro.