ABANCA lanza unha emisión de débeda perpetua AT1 por 500 millóns de euros
- O libro de ordes superou 8 veces o importe ofrecido
- Paralelamente lanzouse unha oferta de recompra aos tenedores da emisión similar (AT1 6%, con call no 2026)
Descarga en alta resolución Serás redirixido a outro sitio web e abrirase nunha nova ventá
ABANCA anunciou e executou hoxe unha emisión de capital regulatorio AT1 por importe de 500 millóns de euros en participacións preferentes. A emisión dirixiuse exclusivamente a clientes profesionais e contrapartes elixibles.
Durante os primeiros 6 anos e medio, os valores devengarán unha remuneración fixa do 6,125% anual, liquidable trimestralmente por trimestres vencidos. Despois dese período, a remuneración axustarase cada cinco anos, dacordo coas condicións habituais deste tipo de instrumentos. A operación executada hoxe refinanciará a emisión similar (AT1) de 375 millóns emitida en xaneiro de 2021, que incorporaba a posibilidade de amortización anticipada en xaneiro de 2026.
A emisión foi acollida con gran interese por parte do mercado, como demostran as máis de 290 ordes individuais. Esta é a primeira vez que ABANCA acode ao mercado de capital regulatorio (AT1) cunha emisión de 500 millóns de euros, tamaño só accesible a entidades de primeiro nivel europeo. Ademais, ABANCA conseguiu rebaixar o spread da operación refinanciada de 657 p.b. a 388,5 p.b., nivel mínimo para calquera emisión de AT1 do banco ata a data.