ABANCA pecha unha nova emisión de bonos senior preferred (9-2023)
- A entidade emitiu Bonos Senior Preferred ao 5,875% anual por importe de 500 millóns de euros
- Con esta emisión, a cuarta de 2023, ABANCA cumpre os requisitos do regulador en materia de MREL
Descarga en alta resolución Serás redirixido a outro sitio web e abrirase nunha nova ventá
ABANCA anunciou e executou hoxe unha emisión de bonos Senior Preferred por importe de 500 millóns de euros ao 5,875% anual. O prazo da operación fixouse en 6,5 anos, con opción para ABANCA de cancelala na súa totalidade cando se cumpran 5,5 anos desde a data da emisión. Os ratings Baa3 (Moody’s) e BBB- (Fitch) confiren aos títulos o grao de investimento, permitindo acceder á parte máis esixente da comunidade investidora.
A dinámica de execución reflectiu a boa percepción que ABANCA mantén no colectivo de investidores, con 68 ordes finais de gran calidade, pechándose o libro en catro horas.
Con esta emisión, a cuarta de 2023, ABANCA cumpre o requirimento mínimo de fondos propios e pasivos admisibles (MREL polas súas siglas en inglés) fixado polo regulador.