Moody’s afirma o rating de ABANCA e mellora a perspectiva dos depósitos
- A axencia de cualificación basea a súa decisión na calidade de activos, o capital, a rendibilidade e a sólida base de depósitos de ABANCA
Descarga en alta resolución Serás redirixido a outro sitio web e abrirase nunha nova ventá
A axencia de cualificación Moody’s Ratings mellorou a perspectiva da cualificación dos depósitos ("long-term bank deposits") de ABANCA situándoa en positiva, ao tempo que afirmou o seu rating en A3.
A axencia destaca a presión positiva sobre o rating de viabilidade standalone ("BCA", afirmado en baa1), motivada pola mellora na calidade de activos, solvencia e rendibilidade, así como polo sólido perfil de financiamento de ABANCA, que está sustentado nunha base de depósitos ampla e estable.
O resto de cualificacións da entidade mantéñense sen cambios, incluída a da débeda senior preferred ("senior unsecured debt") que se afirmou en A3 con perspectiva estable.
Evolución positiva
A afirmación do rating de entidade e a mellora da perspectiva do dos depósitos, grazas á valoración positiva que a axencia fai sobre a evolución dos fundamentais de ABANCA, dá continuidade ao respaldo que as distintas cualificadoras veñen dando á traxectoria da entidade.
As catro axencias que a cualifican elevaron o seu rating nos últimos 18 meses, algunhas delas en varios chanzos. No caso de DBRS e Moody´s, sitúan xa a ABANCA na categoría A, o bloque de cualificacións máis elevado das axencias.
A mellora continua nas cualificacións de ABANCA recoñece a boa evolución da entidade en todos os ámbitos, especialmente en rendibilidade, solvencia, calidade dos activos e fortaleza do balance.