ABANCA realiza unha doazón de mobiliario de oficina a ASPACE para as súas novas instalacións
- Un grupo de voluntarios do banco colaboraron na entrega e colocación do mobiliario no novo local da entidade
Foto de grupo dos voluntarios de ABANCA co presidente de ASPACE, Juan José García Marcos, a coordinadora de Administración e Servizos, Susana Arias Miranda e un dos miembros da Xunta Directiva, Hermógenes Castro Juan.
Descarga en alta resolución Serás redirixido a outro sitio web e abrirase nunha nova ventá
ABANCA acaba de doar á Asociación para la Atención de las Personas Afectadas de Parálisis Cerebral y Encefalopatías Afines (ASPACESerás redirixido a outro sitio web-León) un lote de mobles de oficina que permitirá equipar as novas instalacións da entidade na capital leonesa.
Un grupo formado por unha vintena de voluntarios do banco desprazouse ata o local da asociación para colaborar tamén nas tarefas de descarga e colocación do mobiliario no local.
ASPACE-León é unha asociación sen fins lucrativos declarada de utilidade pública en 1993. Ten como obxectivos fundamentais a prevención, o diagnóstico, o tratamento e rehabilitación dos paralíticos cerebrais e encefalopatías afíns. O labor que realizan busca promover a súa integración social, laboral e familiar e fomentar a súa autonomía persoal, ademais de defender os seus dereitos coma cidadáns.
A colaboración de ABANCA con esta asociación enmárcase dentro da súa política de Responsabilidade Social CorporativaSerás redirixido a outro sitio web, que ten entre os seus piares o apoio a organizacións sen ánimo de lucro como ASPACE, que realizan un traballo destacado para mellorar as condicións de vida de determinados colectivos en risco de exclusión social.