ABANCA reforza a súa estratexia dixital con ABANCA Pay

31-03-2016

ABANCA vén de lanzar para todos os seus clientes ABANCA PaySerás redirixido a outro sitio web, unha aplicación que permite realizar desde os móbil pagos inmediatos de forma gratuíta a calquera usuario bancario nacional e europeo, teña teléfono ou non.

“É unha ferramenta útil, fácil de usar, sen comisións e que realiza as operacións de forma inmediata co obxectivo de facerlle máis sinxela a vida aos nosos clientes, facilitándolles as súas transaccións diarias”, explica Eduardo Aldao, director de Innovación de ABANCA.

ABANCA PaySerás redirixido a outro sitio web permite o pago de ata 150 euros por operación, de forma gratuíta, a calquera persoa, sexa do banco que se sexa, simplemente introducindo un número de teléfono ou un correo electrónico. “Non é necesario pedir o número de conta a ninguén, nin é necesario que pertenza á mesma entidade. Con esta aplicación o cliente poderá enviar e recibir diñeiro dos seus amigos ou compañeiros de traballo de forma instantánea”, sinala o xerente de Medios de Pago de ABANCA, Jorge Blanco.

Pagos fáciles, gratis e rápidos

A aplicación deseñada por ABANCA está asociada á conta de banca electrónica do cliente e permite realizar un pago a unha persoa simplemente seleccionándoa na axenda de contactos do móbil, sen que sexa necesario que coñeza o seu número de conta nin que pertenzan á mesma entidade financeira.

ABANCA PaySerás redirixido a outro sitio web está conectada a outros bancos a través da rede EALIA desenvolvida por CECA, o que permite realizar os pagos de forma inmediata. “O pago é inmediato, faise efectivo directamente entre as contas dos clientes no mesmo momento da súa autorización”, afirma Eduardo Aldao. Ademais, ao contrario que outras aplicacións similares, non é necesario ter descargada a app para recibir diñeiro doutra persoa.

A seguridade das transaccións está absolutamente garantida e, ao ser unha app propia de ABANCA, non se ceden os datos a terceiros.

Innovación financeira

Un dos piares fundamentais da estratexia dixital de ABANCA é ofrecer aos seus clientes a tecnoloxía financeira máis innovadora, tentando incorporar as últimas novidades e tendencias do mercado. ABANCA é pioneira en ofrecer aos seus clientes o pago móbil con Samsung Pay e en soportar a identificación por pegada (Touch-id) na banca móbil.

Ademais, desde hai máis de 10 anos, os clientes da entidade poden retirar diñeiro nos caixeiros sen necesidade de usar a tarxeta grazas ao servizo de Hal-Cash, un sistema que permite enviar diñeiro a calquera móbil mediante unha mensaxe SMS. O código incluído na mensaxe permite recoller o diñeiro, sen tarxeta, en calquera dos caixeiros adheridos ao sistema (máis de 12.000 en todo o mundo).

O impulso á estratexia dixital permitiu a ABANCA aumentar un 18% o número de clientes dixitais activos no último ano, con especial protagonismo da banca móbil. Neste sentido, a entidade financeira puxo en marcha o proxecto ABANCA Dixital, unha iniciativa para potenciar as canles de banca electrónica e móbil para realizar todo tipo de transaccións e xestionar e contratar produtos a través de web e teléfono. En 2015 a entidade financeira galega investiu 82 millóns de euros á mellora e dixitalización de todos os seus procesos e á adopción das tecnoloxías máis punteiras.