ABANCA ve recoñecida a súa estratexia en experiencia de cliente nos Premios DEC

  • A Asociación para el Desarrollo de la Experiencia de Cliente selecciona entre todos os candidatos a iniciativa “Sentir Cliente” da entidade financeira
  • O director xeral de Negocio España de ABANCA, Luis Beraza, recolle en Madrid o galardón ante unha nutrida representación do sector
  • Este recoñecemento súmase ao EMOtional Friendly Bank concedido ao banco recentemente pola súa evolución en vinculación emocional cos seus clientes

O director xeral de Negocio España de ABANCA, Luis Beraza, recibe o Premio DEC de mans do responsable de Experiencia Cliente de ALSA, Miguel Artiach.

Descarga en alta resolución Serás redirixido a outro sitio web e abrirase nunha nova ventá

ABANCASerás redirixido a outro sitio web veu recoñecidos os seus avances en materia de experiencia cliente cunha nova distinción. Nesta ocasión, a Asociación para el Desarrollo de la Experiencia de Cliente (DEC)Serás redirixido a outro sitio web concedeu á entidade financeira o galardón á Mellor Estratexia de Experiencia Cliente, dentro da quinta edición dos Premios DEC.

O director xeral de Negocio España, Luis Beraza, foi o encargado de recoller en representación de ABANCA o premio nun acto celebrado en Madrid. A cita contou cunha nutrida asistencia de profesionais do sector e con outros representantes das empresas galardoadas. Os recoñecementos que outorga a Asociación para el Desarrollo de la Experiencia de Cliente son considerados como uns dos premios máis relevantes do sector.

O xurado desta edición quixo destacar o compromiso da entidade financeira neste campo e as medidas impulsadas no último ano. Nesta liña, a organización valorou positivamente toda a secuencia do proxecto “Sentir Cliente”, así como o despregamento do “Estilo ABANCA” no segmento Negocios e a ferramenta ABANCA Escucha. Na extensión desta guía de traballo participaron máis de 600 persoas para potenciar de maneira transversal a relación cos seus clientes, coñecer as súas necesidades e expectativas e responder ás súas demandas. Desde a posta en marcha deste proxecto, a entidade financeira viu reforzadas as súas principais métricas de experiencia cliente e de negocio.

O Premio DEC á Mellor Estratexia de Experiencia Cliente súmase ao galardón que a consultora EMO Insights International concedeu a finais de abril a ABANCA como a segunda entidade que mellor evolución tivo en vinculación emocional cos seus clientes nos últimos tres anos. “Estes recoñecementos indícannos que imos polo camiño correcto. A experiencia de cliente é un dos pilares fundamentais da estratexia de ABANCA desde o seu nacemento, onde nos propuxemos construír un banco pensado para os clientes”, indicou Luis Beraza despois de recoller a distinción.