As políticas de igualdade de ABANCA son recoñecidas pola Fundación Adecco
- A entidade financeira recibe o galardón á “Mejor práctica para la transformación cultural en diversidad e inclusión” na sexta edición dos Premios a la Diversidad e Inclusión
- O premio recoñece o programa ABANCA Iguales, a iniciativa do banco en materia de equidade, pola súa capacidade para "lanzar accións de sensibilización e concienciación contra os prexuízos"
A directora xeral de Capital Humano de ABANCA, María Camino (segunda pola dereita), e a xerente de Capacitación do banco, Silvia Mourino (primeira pola dereita), durante aa entrega do premio.
De esquerda a dereita, a directora xeral de Capital Humano de ABANCA, María Camino, e a xerente de Capacitación do banco, Silvia Mourino.
As políticas de igualdade de ABANCA foron recoñecidas como “Mejor práctica para la transformación cultural en Diversidad e Inclusión” na sexta edición dos Premios a la Diversidad e Inclusión que concede a Fundación Adecco, xunto co Club de Excelencia en Sostenibilidad. O fallo deste galardón deuse a coñecer esta mañá nun acto celebrado no Círculo de Belas Artes de Madrid e no acto de entrega do premio participaron a directora xeral de Capital Humano de ABANCA, María Camino, e a xerente de Capacitación do banco, Silvia Mourino.
O xurado dos Premios a la Diversidad e Inclusión valorou positivamente a determinación de ABANCA por "poñer en marcha accións de sensibilización e concienciación que contribúan a reducir os prexuízos inconscientes". Con este galardón, ABANCA consolida o traballo dos últimos dous anos en materia de igualdade e ve recoñecido o seu compromiso coas accións que buscan un acceso máis equitativo ás oportunidades laborais dentro do banco.
A entidade financeira centrou os seus esforzos na igualdade e a diversidade a través do seu programa ABANCA Iguales. Creado en 2022 ao abeiro do “Plan de Igualdade de Trato e Oportunidades”, consensuado coa maioría da representación legal do persoal, trátase dunha proposta formativa dinámica e adaptada ás expectativas de cada persoa. Nas súas dúas tempadas, permitiu que o debate xire en torno a diferentes materiais audiovisuais e diversos encontros con profesionais especializados na inclusión. Todo iso coa única idea de reflexionar sobre ideas preconcibidas para avanzar na construción dunha entidade máis inclusiva e equitativa.
Este premio consolida a ABANCA como unha das empresas máis comprometidas co talento diverso e corrobora o éxito das accións dirixidas a promover a igualdade de oportunidades no ámbito laboral.