Moody’s sobe o rating de ABANCA un chanzo e sitúa a súa perspectiva en estable

  • A axencia de cualificación basea a súa decisión na mellora significativa da rendibilidade, o reforzo da capitalización e a evolución da calidade dos activos de ABANCA

Descarga en alta resolución Serás redirixido a outro sitio web e abrirase nunha nova ventá

A axencia de cualificación Moody’s Ratings aumentou un chanzo o rating a longo prazo de ABANCA, de Baa3 a Baa2, e situou en estable a perspectiva da entidade financeira. A subida da cualificación está baseada segundo a axencia na mellora significativa da rendibilidade e o reforzo da capitalización de ABANCA. Na decisión tamén influíu positivamente a boa evolución da calidade dos activos da entidade.

A axencia sinala que, impulsada polo aumento da marxe de intereses, a rendibilidade sobre activos (ROA) de ABANCA creceu ata converterse nunha das máis altas entre os seus pares españois. Por outra banda, indica que espera que no futuro esta rendibilidade se vexa apoiada por unha mellora da dinámica comercial, grazas ao aumento da demanda de créditos e a unha maior eficiencia operativa da entidade.

Por outra banda, Moody ́s Ratings destaca o reforzo da capitalización de ABANCA, que espera continúe durante os próximos meses. O robusto comportamento dos ingresos e a prudente política de reservas da entidade son os dous piares que sustentan o seu claro compromiso coa solvencia.

Moody’s Ratings efectuou tamén outras accións sobre o rating de ABANCA, elevando o rating de viabilidade standalone ("BCA") e o "Adjusted BCA" de ba1 a baa3, o da débeda senior preferred ("senior unsecured debt rating") de Baa3 a Baa2, con perspectiva estable, o da débeda subordinada Tier 2 ("subordinated debt rating") de Ba2 a Ba1, o rating a curto prazo ("short-term deposit") de P-3 a P-2, o long-term Counterparty Risk Assessment ("CR Assessment") de Baa1(cr) a A3(cr) e o long-term Counterparty Risk Rating ("CRR") de Baa1 a A3, e afirmou o short-term CR Assessment en P-2(cr) e o short-term CRR en P-2.

Grao de investimento para todas as axencias

A subida de rating aplicada por Moody’s únese ás melloras de perspectiva efectuadas durante 2024 por DBRS, en xuño, por Fitch, en maio, e por Standard and Poor´s, en abril. As tres axencias situaron a perspectiva do rating emisor a longo prazo de ABANCA en positiva.

ABANCA conta desde abril de 2022 con grao de investimento nos ratings das catro axencias que a cualifican: Standard and Poor´s, Moody´s, Fitch e DBRS.