MSCI eleva o rating ESG de ABANCA ata AA e sitúao na categoría ‘Leader’

  • O rating de ABANCA sobe de A a AA e sitúase á cabeza das entidades españolas
  • MSCI destaca o modelo de gobernanza de ABANCA, ademais do seu marco de protección ao cliente e a xestión do capital humano, na que destaca a mellora na xestión do programas de talento

Descarga en alta resolución Serás redirixido a outro sitio web e abrirase nunha nova ventá

A axencia MSCI elevou o rating ESG de ABANCA de A a AA, co que o banco entra na categoría de cualificacións ‘Leader’. Esta categoría é a mellor das posibles na escala de MSCI, estando reservada para as entidades con cualificación AA ou AAA. Con iso, ABANCA sitúase á cabeza do sector bancario español.

Na súa decisión, MSCI destaca de maneira especial a evolución en canto a prácticas de xestión do talento de ABANCA, consideradas superiores ás dos seus pares. A entidade presenta unha taxa de rotación do seu persoal inferior á media do sector, o que demostra o alto compromiso do persoal coa organización.

Outro factor tido en conta foi a baixa intensidade ambiental da súa carteira de préstamos, así como a integración de factores ESG na análise e seguimento da súa actividade crediticia, aspecto no que tamén destaca sobre a maioría dos seus pares.

ABANCA é cualificada, e obtén puntuacións que a sitúan na mellor categoría posible, por parte das axencias máis relevantes do mercado en temática ESG (a propia MSCI e tamén Morningstar Sustainalytics, que sitúa a ABANCA como a entidade con mellor rating de sostibilidade do sector bancario español e 10º banco a nivel mundial).

Esta boa evolución dos ratings de sostibilidade de ABANCA súmase ás sucesivas melloras dos seus ratings crediticios anunciadas polas axencias. Nas tres máis recentes, DBRS situou por primeira vez a ABANCA na súa categoría A, mentres que Fitch e Standard and Poor’s melloraron as súas cualificacións de BBB- a BBB.

Máis información sobre os ratings de ABANCA: https://www.abancacorporacionbancaria.com/gl/investidores/informacion-financeira/Serás redirixido a outro sitio web

E sobre as características e escalas dos mesmos: https://www.abancacorporacionbancaria.com/files/documents/definicion-ratings-esg-webcorporativa-2024-gl.pdfVer ficheiro PDF