Standard and Poor´s eleva o rating de ABANCA e sitúao en grao de investimento
- A axencia resalta a mellora da calidade e a recurrencia dos resultados de ABANCA, ademais da súa estratexia de transformación dixital
- A decisión prodúcese nunha contorna macroeconómico marcada pola invasión de Ucraína e a situación post Covid
- Standard and Poor´s, cuarta axencia de cualificación que sitúa a ABANCA en grao de investimento
Descarga en alta resolución Serás redirixido a outro sitio web e abrirase nunha nova ventá
A axencia de cualificación Standard and Poor’s Global Ratings elevou un chanzo o rating emisor a longo prazo de ABANCA Corporación Bancaria, S.A., que pasou de BB+ a BBB- , alcanzando así grao de investimento, á vez que mantivo a súa perspectiva estable. O rating emisor a curto prazo tamén foi mellorado, neste caso de B a A-3.
Tras esta decisión, ABANCA conta xa con grao de investimento nos ratings das catro axencias que a cualifican: Moody´s, Fitch, DBRS e S&P.
A decisión de Standard and Poor’s Global Ratings ten especial relevancia porque produciuse nunha contorna macroeconómica marcada pola invasión de Ucraína e a situación post Covid.
Rendibilidade, crecemento e dixitalización, as claves
A axencia estadounidense baseou o incremento da cualificación de ABANCA na mellora da calidade (recurrencia) e a sostibilidade dos seus beneficios, así como na exitosa estratexia de crecemento inorgánico desenvolvida pola entidade coas súas operacións corporativas, que lle achegou unha maior diversificación xeográfica e de negocio.
Outros factores que resultaron concluíntes para a decisión foron o crecemento orgánico, superior á media, e a calidade dos activos de ABANCA, a mellor do sector, así como a súa sólida capitalización.
A axencia tamén valorou a transformación tecnolóxica que desenvolveu tanto en termos internos como de servizo ao cliente, resaltando que a situou por encima de entidades comparables e permítelle operar de maneira máis eficiente.
Esta nova subida de rating avala a exitosa execución do plan estratéxico da entidade, que se viu acompañada por sucesivas subidas do rating. ABANCA é a entidade que máis mellorou as súas cualificacións nos últimos anos, unha tendencia que se acelerou en 2021 cando as catro axencias que cualifican á entidade melloraron as súas notas.