Standard and Poor’s mellora un chanzo o rating de ABANCA
- S&P Global Ratings basea a súa decisión na capacidade de xerar beneficios e no fortalecemento da capitalización de ABANCA
- É a cuarta mellora de rating recibida polo banco desde novembro de 2024
Descarga en alta resolución Serás redirixido a outro sitio web e abrirase nunha nova ventá
Standard and Poor’s Global Ratings mellorou un chanzo o rating emisor a longo prazo de ABANCA, que pasa de BBB- a BBB. A axencia situou a perspectiva de ABANCA en estable. A mellora da capacidade de xeración de beneficios de ABANCA e o fortalecemento da súa capitalización foron determinantes para esta decisión. A decisión da axencia tamén tivo en conta a capacidade de xeración de valor das recentes adquisicións de EuroBic e TARGOBANK.
A axencia cualificadora elevou o rating emisor a curto prazo (short-term ICR) de A-3 a A-2, o rating de contraparte de resolución a longo prazo de ABANCA (long-term RCR) aumentou de BBB a BBB+ e o de curto prazo (short-term RCR) foi afirmado en A-2.
A subida aplicada por Standard and Poor’s é a cuarta recibida por ABANCA desde o pasado mes de novembro, despois das aplicadas por Moody´s, Fitch e DBRS. Con esta última, recibida en febreiro, a entidade alcanzou a categoría de ratings A. ABANCA conta desde abril de 2022 con grao de investimento nos ratings das catro axencias que a cualifican: DBRS, Moody´s, Fitch e Standard and Poor´s.