Standard & Poor´s outorga a máxima cualificación ás cédulas hipotecarias de ABANCA

A axencia de cualificación Standard & Poor´s elevou o rating das cédulas hipotecarias de ABANCA Corporación Bancaria, S.A. (¨ABANCA¨) situándoo en A+ (desde A), con perspectiva estable. Esta revisión é consecuencia do incremento dun chanzo do rating emisor a longo prazo da entidade o pasado día 9 de febreiro.

O rating A+ con perspectiva estable é a máxima cualificación alcanzable en Standard & Poor´s para as cédulas hipotecarias españolas vixentes tendo en conta o rating soberano actual (BBB+ perspectiva estable).

Melloras continuadas

Esta mellora dá continuidade á liña ascendente que manteñen as cualificacións emitidas polas distintas axencias calificadoras sobre ABANCA, que melloraron nos últimos 14 meses a súa perspectiva e elevaron o rating emisor de ABANCA como proba da calidade crediticia xeral da entidade.