ABANCA e as confrarías do norte da Coruña renovan a súa colaboración nun acto en conxunto para mellorar a competitividade e impulsar a sostibilidade do sector
- O banco pon sobre a mesa unha serie de produtos financeiros para acometer situacións de baixa produtividade nalgunhas rías
- Os convenios inclúen solucións flexibles para impulsar a sostibilidade, o crecemento e o relevo xeracional no sector
O director territorial de ABANCA en A Coruña, Óscar Salgado, e o director de ABANCA Mar, Javier Fraga, con representantes das distintas confrarías.
Descarga en alta resolución Serás redirixido a outro sitio web e abrirase nunha nova ventá
ABANCA continúa reforzando o seu impulso ao sector pesqueiro galego cun novo encontro no que presentou ás principais confrarías do norte da Coruña as novidades dunha oferta financeira deseñada a medida. A reunión serviu para fortalecer a colaboración entre a entidade e os pósitos, abordar os principais desafíos sectoriais e renovar, un ano máis, os acordos de colaboración que manteñen.
Durante o encontro, que tivo lugar esta tarde no Espacio Avenida de ABANCA na Coruña, o director territorial de ABANCA na Coruña, Óscar Salgado, e o director de ABANCA MarSerás redirixido a outro sitio web, Javier Fraga, explicaron o compromiso do banco e o apoio financeiro que ofrece a través dun catálogo de produtos e servizos específicos para abordar diferentes necesidades, como o impacto que está provocando a baixa produtividade nalgunhas rías.
Esta oferta especializada pon o foco en solucións flexibles de financiamento, como hipotecas navais, préstamos ou leasing con amplos prazos de amortización e posibilidade de carencias, creadas para incentivar a construción de novas embarcacións e a remodelación ou segunda adquisición de barcos máis eficientes e respetuosos co medio mariño.
Os convenios recollen tamén algunhas respostas financeiras para abordar necesidades de liquidez puntuais, con produtos como a póliza de crédito específica para o sector pesqueiro. Ademais, conta con alternativas como os anticipos de axudas, aprazamentos de impostos ou liñas de desconto, e con fórmulas de financiamento que faciliten a mobilización dos fondos do FEMPASerás redirixido a outro sitio web (Fondo Europeo Marítimo de Pesca e de Acuicultura).
O reto do relevo xeracional
Durante o encontro, a entidade financeira e as confrarías puxeron o foco no reto do relevo xeracional, un aspecto crítico e esencial para o futuro da pesca, e canalizárono nos convenios con medidas específicas para atraer a profesionais novos ao sector. A oferta especializada de ABANCA compleméntase con outras alternativas deseñadas a medida, como o novo plan ‘ABANCA Emprendedores e ProfesionaisSerás redirixido a outro sitio web’, o primeiro plan de emprego simplificado (PPES) dirixido a persoas traballadoras autónomas. Trátase dunha solución sinxela e flexible, pensada para complementar a xubilación do colectivo, e que permite xerar un maior aforro que os plans de pensións individuais.
O encontro con estas confrarías reforza unha alianza estratéxica de ABANCA co sector. A través dela, o banco busca reforzar o seu apoio financeiro ao sector primario e o seu crecemento a través da promoción de prácticas que promovan o coidado e a preservación do ecosistema e dos recursos mariños.