ABANCA lanza unha emisión de débeda subordinada (Tier 2) por 500 millóns de euros
- O libro de ordes resultou 4 veces sobresuscrito
- Paralelamente lanzouse unha oferta de recompra aos posuidores da emisión similar (Tier 2) de outubro de 2019
Descarga en alta resolución Serás redirixido a outro sitio web e abrirase nunha nova ventá
ABANCA anunciou e executou hoxe unha emisión de capital regulatorio por importe de 500 millóns de euros en obrigacións subordinadas computables como capital de nivel 2 ao 4’625%. Os ratings esperados son BB (Fitch) e Ba1 (Moody’s).
A emisión anunciouse a primeira hora de hoxe nun mercado que atravesa os últimos compases do ano para operacións deste tipo. Con todo, a demanda presentouse sólida e o libro creceu rapidamente ata superar 4 veces o importe ofrecido. Finalmente, pechouse con máis de 150 ordes individuais, reflectindo a calidade do nome ABANCA no mercado de crédito.
A operación executada hoxe refinanciará a emisión similar (Tier 2) de outubro de 2019, que incorpora a posibilidade de amortización anticipada en abril de 2025. Para facilitar aos posuidores desta última emisión a subscrición dos novos bonos, ABANCA ofreceulles a posibilidade de recomprar a súa posición.
Ambas as operacións, emisión e recompra, liquidaranse o próximo día 11 de decembro.