ABANCA lanza unha emisión de obrigacións ordinarias por 500 millóns de euros
- O libro de ordes superou en 2 veces e media o importe ofrecido
Descarga en alta resolución Serás redirixido a outro sitio web e abrirase nunha nova ventá
ABANCA anunciou e executou hoxe unha emisión de obrigacións ordinarias dirixidas ao cumprimento de obrigacións regulatorias por un importe de 500 millóns de euros. A emisión, que se dirixiu exclusivamente a clientes profesionais e contrapartes elixibles, refinancia a emisión que, polo mesmo motivo, se emitiu hai cinco anos.
ABANCA cumpriu os seus obxectivos de distribución (case 80 ordes individuais), importe (500 millóns de euros, cun libro de case 1.300 millóns de euros) e custo (cupón do 3,75%) nunha contorna de execución moi esixente.
Esta operación enmárcase no cumprimento dos requisitos MREL relativos á capitalización e solvencia de entidades financeiras, aplicables a todo o sistema bancario, e reforza a posición de ABANCA como banco de primeira liña, solvente e rendible.