ABANCA pecha unha nova emisión de bonos senior preferred
- A entidade emitiu bonos Senior Preferred ao 3’25% anual por importe de 500 millóns de euros
- A demanda superou considerablemente o importe ofrecido, cun libro que alcanzou un máximo de € 2 Bn.
Descarga en alta resolución Serás redirixido a outro sitio web e abrirase nunha nova ventá
ABANCA anunciou e executou hoxe unha emisión de bonos Senior Preferred elixible MREL por importe de 500 millóns de euros. Os ratings de Fitch (BBB-) e Moody´s (Baa2) confiren aos títulos o grao de investimento (Investment Grade) por ambas axencias.
A emisión espertou gran interese, demostrado tanto no importe demandado, que superou expectativas nun contexto de volatilidade no mercado, como na amplitude do espectro investidor, cun libro de gran calidade que chegou a superar as 110 ordes individuais. A boa percepción da entidade no mercado permitiu executar a operación nun só día, pechando o libro ás 12 da mañá.
Con esta emisión ABANCA consolida o cumprimento dos requisitos sobre fondos propios e pasivos admisibles (MREL polas súas siglas en inglés) fixado polo regulador.